Flýtilyklar
Goða Villikryddað Lambalæri
- 1 Goða Gourmet Villikryddað Lambalæri
- 250 ml vatn
- 250 ml rjómi
- Kjötkraftur eftir smekk
- Sósujafnari
Hitið ofninn í 175°C Setjið lærið í steikarfat og steikið í um 45 mínúturm snúið lærinu tvisvar eða þrisvar á steikingartímanum. Takið lærið úr ofninum og breiðið tvöfalt lag af álpappír yfir fatið og látið lærið standa á hlýjum stað í um 1 klst. Hitið ofninn í 200°C, fjarlægið álpappírinn og setjið lærið aftur í ofninn og steikið í 20-25 mínútur. Takið lærið út, setjið á fat og látið standa í 10-15 mínútur. Á meðan er vatni hellt í steikarfatið og botninn skafinn vel til að ná kraftinum. Síið soðið í pott, bætið rjóma og kjötkraft út í og hitið að suðu. Látið malla í nokkrar mínútur. Þykkið með sósujafnara og bragðbætið með pipar og salti. Berið kjötið fram með sósunni, ásamt t.d. brúnuðum kartöflum, rauðkáli, baunum og maís.
Uppskrift úr uppskriftarbókinni Jólahefðir Nóatúns