fyrir 4, að hætti Friðriks V
- 1 stk lamba innanlærisvöðvi
- 1/2 dl góð ólífuolía
- 3-4 kvistir ferskt blóðberg (timjan)
- 2-3 kvistir fersk bergmynta ( oregano)
- örlítið mulið sjávarsalt
- nýmalaður svartur pipar
- 4 bollar blandað salat
- 1 stk lime
- 60 g parmesanostur
Nuddið kryddjurtum, pipar og olíu á vöðvann. Setjið í djúpan bakka og saltið örlítið. Geymið í kæli yfir nótt áður en vöðvinn er snöggsteiktur þannig að hvergi sjáist í hrátt en eldaða röndin á samt ekki að vera breiðari en 2 mm þegar kjötið er sneitt. Setjið vöðvann í frysti í 2-3 klst. svo auðveldara sé að skera hann þunnt en gætið þess að hann frjósi ekki í gegn. Skerið þunnar sneiðar þvert á vöðvann og raðið þeim á disk. Hellið mjórri rönd af ólífuolíunni yfir. Skolið salatið vel í köldu vatni og þerrið. Kreistið limesafa yfir, kryddið með ólífuolíu, salti og sykri og leggið salatið ofan á kjötsneiðarnar. Að lokum er parmesanosturinn rifinn yfir og rétturinn borinn fram.